Mohammed Fahim
لو حابب تعرف اكثر عن مقالاتنا التعليمية سيب الاميل هنا ومتنساش تشوف المقالات القديمة
|
لو معرفتش تشترك في الكورس بتاعنا لأي سبب… بسيطة، تعالى أقولك إحنا بندرس جوه إيه بشكل شبه تفصيلي وعلشان كدا هنتكلم النهارده عن حاجة محدش اتكلم عنها قبل كده… حاجة جديدة جدًا جدًا جدًا… بالضبط كده: الـMarketing Strategy 😂 كل الناس تقريبًا بتتكلم عن الـMarketing Strategy هتلاقي الكلمة في الـ CVs، والـProposals، واجتماعات العملاء، وكورسات التسويق، وحتى في أي Content Plan من أول صفحة لكن المشكلة إننا أحيانًا بنستخدم كلمة Strategy لوصف أي حاجة. هننزل Reels هنستخدم Instagram وTikTok هنشتغل مع Influencers هنزود الـAd Budget هنستهدف Gen Z هنعمل Offer آخر الشهر كل دي ممكن تكون قرارات مفيدة، لكن ولا واحدة منها تعتبر Marketing Strategy لوحدها علشان كده، علشان نبني ونساعد أي Content Creator عاوز ينتقل لمرحلة الـSenior أو يقود فريق أو يتحمل مسؤولية نتائج البيزنس تحملا كاملا محتاجينه يعرف ايه؟ أول سؤال: لو العميل عاوز يزود المبيعات، نعمل إيه؟ تخيل إن عميلك قالك أنا عاوز أزود المبيعات حبه حلوين خلال 3 شهور نشتغل Paid Ads ولا Influencers ولا Content ولا Email Marketing ولا Offers؟ أكثر إجابة شكلها حلو لكنها خطيرة إنك تختار قناة فورًا بناءً على الحاجة اللي أنت شاطر فيها لو أنت Content Creator هتقوله محتاجين Content لو أنت Media Buyer هتقوله محتاجين نزود الإعلانات لو أنت متخصص SEO هتقوله الحل في الـSearch لكن الإجابة الأكثر نضجًا في اللحظة دي هي أنا لسه معرفش (تخيل)؟؟ وتكمل كلامك وتقول محتاج الأول أفهم ليه المبيعات مش واصلة للرقم المطلوب، وفين بالضبط فرصة النمو أو نقطة التسريب (راجع بوست المواسير) علشان تعرف ليه بنقول تسريب 🤣 ممكن طبعًا يكون عندك افتراض مبدئي مبني على خبرتك، لكن مينفعش تحوّل الافتراض لقرار نهائي قبل التشخيص وده أول فرق مهم بين الجينيور والسينيور بجد هنا لازم نعرف إيه المشكلة الحقيقية اللي المفروض نحلها؟ وبناء عليه هنفهم ان الـ الـStrategy مش هي الـPlan خلينا نفصل أربع حاجات الناس بتخلط بينهم باستمرار “هنعمل Reels”: دي Tactic أو وسيلة تنفيذ “هنستخدم Instagram”: دي Channel “عاوزين نزود المبيعات 30%”: ده Objective “هنستهدف Gen Z”: ده Audience Choice هناخد الكورس علشان حلو وبسمسم (ده اسلوب ذن سيبكم منه) 😂 كل عنصر من دول ممكن يدخل داخل الاستراتيجية .. لكنه مش الاستراتيجية كاملة الـMarketing Strategy في أبسط تعريف عملي لها بتجاوب على سؤالين: Where to Play + How to Win وده حسب وصف كتاب Playing to Win: How Strategy Really Works لصديقي علاء لطفي (Alan G. Lafley) يعني:- هنركز على أنهي سوق أو Segment أو مشكلة أو مرحلة من رحلة العميل؟ وإزاي هنكسب داخل المساحة دي بطريقة تخلي العميل يختارنا ويحقق هدف البيزنس؟ وكل الكلام الي فوق ده بنحوله لمعادلة عبارة عن Strategy = Diagnosis → Choice → Coherent Actions → Measurement يعني الاستراتيجية تبدأ بـتشخيص، ثم اختيار، ثم مجموعة أفعال مترابطة تخدم الاختيار نفسه، ثم قياس يوضح هل القرار نجح أم لا أما التسلسل اللي بيحصل والي كثير جدا احنا بنقع فيه هو Idea → Content Calendar → Ads يعني بتيجي فكره في دماغنا او بنشوف منافس عامل فكره معينة بنقول حلوه دي جايبه صريخ ريتش .. ونحطها في الكالندر بتاعتنا وبعدين نجربها في بادجت.. فده مش Strategy دي ممكن نسميها مجموعة أنشطة قد تنجح وقد تستهلك الوقت وقد تستهلك الميزانية وتقد تجعلنا جميعا نبكي في الزاوية ونقعد نقول ماركت نوت فير نوت فير من غير ما نحل المشكلة الأساسية وهنا سؤالا يطرح ويطرح واحدة بالفتح وواحدة بالضم... اسئل نفسي كام سؤال علشان انجح؟ الإجابة: المشكلة الحقيقية هنا إيه؟ الجروث بتاعنا واقف أو بيتسرّب فين؟ أنهي نوع Strategy هو الأنسب للحالة؟ ليه اخترنا الاتجاه ده تحديدًا؟ إيه اللي قررنا إننا مش هنعمله الآن؟ هنعرف منين إن قرارنا كان صح؟ السؤال الخامس تحديدًا مهم جدًا لأن الاستراتيجية مش مجرد قائمة بالحاجات اللي هنعملها الاستراتيجية كمان هي القرارات اللي أخدناها عن الحاجات اللي مش هنعملها، علشان منشتتش الموارد على عشر أولويات في نفس الوقت لو الـBudget محدود، والوقت محدود، والفريق محدود، يبقى اختيار كل شيء معناه في الحقيقة إنك لم تختر شيئًا وهتاخد على عينك وتيجي تعيط .. وافتكر ان عم علاء قالنا ان Diagnose Before You Prescribe قبل ما تكتب العلاج، لازم تعمل تشخيصًا لو Campaign هدفها Sales والمبيعات قليلة، مينفعش تقول محتاجين كريتيف أكثر لأن انخفاض المبيعات ممكن يكون وراءه أسباب كثيرة، منها: عدد الناس المؤهلة اللي بتدخل قليل: Acquisition Problem ناس كثيرة تدخل لكن محدش بيشتري: Conversion Problem العميل يشتري مرة ولا يرجع: Retention Problem الناس لا تفهم لماذا تختار المنتج: Positioning Problem السعر غير مناسب أو طريقة تقديمه ضعيفة: Pricing Problem العرض نفسه مش مقنع: Offer Problem المنتج موجود أمام جمهور غير مناسب: Market Problem الوصول للعميل في المكان أو التوقيت الخطأ: Distribution Problem أو المشكلة في تجربة المنتج نفسه والعميل مفهمنا انه منتج من اقوى ٣ منتج في الارض كل سبب من دول محتاج استراتيجية وأفعالًا مختلفة تمامًا ولو شخّصت المشكلة غلط، ممكن تعمل شغلًا ممتازًا لحل مشكلة مش موجودة أصلًا.. طيب هل ينفع اشخص غلط؟ او هل السينيور بيشخص غلط؟ الاجابه اه عادي جدا صحيح مع الوقت والشغل والنفخ بيبقا عندك تشخيص صح شبه الصنايعية كدا الي هو بيبص على العربيه من صوتها يعرف مالها او الدكتور الي تكح كحة يعرف مالك.. بس شطارتك الحقيقة مش انك تشخص صح على قد ما انك لو غلط تعرف انك غلط وتعرف تعمل بلان B طيب نشخّص الجروث بتاعنا إزاي؟ هنتكلم عنها في المقالة الي ورا دي باذن الله |
Mohammed Fahim
لو حابب تعرف اكثر عن مقالاتنا التعليمية سيب الاميل هنا ومتنساش تشوف المقالات القديمة